Dáppe leat oahppofálaldagat mat leat dutnje heivehuvvon ja dáppe lea movttidahtti ja hástaleaddji oahppobiras gos duođai beasat iežat dáiddu ja gelbbolašvuođa ovddidit.
Govva: Kenneth Hætta
- oahppat sámegillii ealli sámi birrasis ođđa Diehtosiiddas
- oažžut sámi ja álgoálbmot perspektiivva buot oahpahusas
- oahpásnuvvat iešguđet guovllu sámi servodagaide ja sámiide
- vásihit buori oahpahusa ja lagasvuođa earáide, sihke miel-studeanttaide ja oahpaheddjiide
- vásihit erenoamáš oahppojagi sámi nuoraid deaivvadanbáikkis
- fuomášit árbevirolaš máhtu ođđa ja ođđaáigásaš oktavuođain
- beassat luoikat ođđaáigásaš rusttegiid nugo giehtadihtoriid ja digitála kameraid
- oahpásnuvvat eará álgoálbmogiiguin
- vuolgit lonohallanstudeantan olgoriikii
Sámi allaskuvllas leat golbma váldo fágagoađi
Sámi allaskuvlla oahput addet gelbbolašvuođa bargat sámi servodagas iešguđet surggiin, muhto min oahput addet maid gelbbolašvuođa bargat olggobeal sámi servodaga, nu go ovdamearkka dihte eará eamiálbmot servodagas dahje dáčča červodagas. Sámi allaskuvllas leat oktiibuot 40 oahppofálaldaga, muhto eai buot oahppofálaladaga fállojuvvo oktanaga. Jahkásaččat fállojuvvojit 20-24 iešguđet oahpu.
Sámi allaskuvllas leat oahppofálaladaga mat leat heivehuvvon sámi studeanttaide. mis leat máŋggakultuvrralaš duogáš ja allaskuvla doaibmá davviriikkalaččat. Sámi allaskuvllas leat studeanttat ja bargit geat bohtet olles Sámis: Ruoššas, Suomas, Ruoŧas ja Norggas. Sámi allaskuvllas leat sullii 150 studeantta ja badjelaš 100 bargi.
Vaikko Sámi allaskuvla lea unna ásahusaš, de dáppe lea riikkaidgaskasaš biras. Dáppe mii skuvlet sámi ambassadevrraid, fállat eamiálbmotoahpuid, studeantamátkkiid ee. Fidjii, Nicaraguai, Guatemalai, Nunavutii ja Ruššii. Sámi allaskuvllas fitnet eamiálbmotlogaldallit ja guossit ee Ođđa Selánddas, Australias, Kanadas ja Ruoššas, ja don beasat searvat University of the Arctic fierpmádahkii ja oahpuide.
