|
 |
Don leat dás: Dutkan
Sámi allaskuvlla dutkit dutket earret eará giela, kultuvrra, boazodoalu ja eará árbevirolaš ealáhusaid. Allaskuvllas leat maiddái dutkit mat riektedutkamis báikkálaš, našunála ja riikkaidgaskasaš dásiin, earret eará álgoálbmot olis.
Sámi dutkamis lea dehálaš mearkkašupmi sámi servodagaid sihkkarastimis ja ovddideamis boahtteáiggis. Juohke eamiálbmotservodat dárbbaša nannet máhtus ja hukset iežas dieđalaš gelbbolašvuođa. Sámi allaskuvla almmuha dieđalaš čálaráidduid nu go Dieđut ja Raporttat, ja oktan Tromssa universitehtain almmuhit Sámi dieđalaš áigečállaga.
|
|
Sámi Instituhtta ásahuvvui jagis 1973 Guovdageidnui, Norgii, dutkan- ja álbmotkultuvrralaš ásahussan. Sámi Instituhtta lei sámi dutkanásahus, mii 2005 laktojuvvui Sámi allaskuvlii. Sámi allaskuvlla dutkama ulbmil lea nannet ja ovddidit sámegiela, sámi kultuvrra ja servodateallima.
|
Sámi allaskuvlla dutkama ulbmil lea dutkama bokte nannet ja ovdanahttit sámi giela, kultuvrra ja servodateallima buotsámi perspektiivvas. Sámi allaskuvlla iešguđet fágagođiid dutkama lagamus jođihangoddi lea Dutkan- ja oahpahusstivra.
|
|
|
|
|
